Ginpasalamatan sang Department of Social Welfare and Development (DSWD) si Philippine National Police (PNP) Chief Gen. Nicolas Torre III sa donasyon nga masobra P16 milyones gikan sa “Boxing for a Cause: Laban sa Nasalanta” nga kahiwatan nga ginhiwat sa Rizal Memorial Coliseum sa Manila.
Suno kay DSWD Assistant Secretary kag spokesperson Irene Dumlao, ang daku nga kantidad ang makabulig sa minilyon ka pamilya nga apektado sang habagat kag iban pa nga kalamidad.
Nahibaluan nga ang boxing match nga gin-organisar sang PNP kag gindaug ni Gen. Torre paagi sa default win ang nakakuha sang masobra P300,000 gikan sa entrance fees kag dugang nga P16 million gikan sa mga donasyon.
Ang kabug-usan nga kantidad ang natalana nga i-turn over sa DSWD subong nga semana.
Samtang, naglab-ot na sa P293 million ang kabug-usan nga ayuda nga ginpanagtag sang DSWD sa mga apektado nga indibidwal kag pamilya as of July 26, 2025.
