Ginsiling sang Department of Social Welfare and Development ukon DSWD sa publiko nga ipalab-ot sa ila ang mga insidente nga pagpangbuhin sa mga ayuda nga ginahatag sang gobyerno.
Ini matapos ang ginapahayag nga pagpangbuhin sang pila ka mga opisyal sang barangay sa ayuda sang isa ka nagabusong nga residente sang Davao del Sur, kung sa diin ginbuhinan ang ₱10,000 nga ayuda sini kag ginhatagan lamang siya sang ₱1,500.
Sa Bagong Pilipinas Ngayon, ginsiling ni DSWD Spokesperson Asec. Irene Dumlao, ang kasubong sini nga klase nga buluhaton ang paglapas sa Republic Act 3019 ukon Anti-Graft and Corrupt Practices Act nga isa ka kaso kriminal.
Gilayon suno diri nga hatagan sang aksyon sang ahensya, ang anu man nga reklamo nga ipalab-ot sa ila kalakip na ang ginahimo nga pagpangbuhin sa mga ayuda.
