Naglab-ot na sa masobra P1.9 milion ang bulig nga ginpalab-ot sang Department of Social Welfare and Development (DSWD) sa mga pamilya nga naapektuhan sang Bagyo Tino sa Bicol, Central Visayas, kag CARAGA Regions.
Kalakip sa bulig ang mga pagkaon kag iban pa nga kinahanglanon.
Suno kay DSWD Assistant Secretary Irene Dumlao, ginalauman nga madugangan pa ang balor sang bulig bangud padayon pa sa gihapon ang pag-usisa sang mga field office sang DSWD sa sitwasyon sa ila nga mga lugar.
Magluwas sa mga pagkaon kag iban pa nga kinhanglanon, nagpadala man ang DSWD sang mobile kitchen sa Matnog Port sa Sorsogon agud maghatag sang mainit nga pagkain sa mga stranded nga indibidwal.
Sa subong, may yara sang 53,570 pamilya ukon 175,531 ka mga indibidwal ang yara sa 2,156 ka mga evacuation center sa MIMAROPA, Western Visayas, Negros Island Region, Central Visayas, Eastern Visayas, kag CARAGA regions.
Samtang, may yara man sang 20,565 ka pamilya ukon 65,751 ka tawo ang temporaryo nga nagadayon sa ila nga mga himata ukon kaabyanan.
