Ginpasigurado sang Department of Social Welfare and Development ukon DSWD Region 6 nga padayon ang paghatag sang medical kag burial assistance sa mga kwalipikado nga benepisyaryo apisar sang election spending ban.
Ini matapos gin-aprubahan sang Commission on Elections ukon COMELEC ang request sang DSWD nga i-exempt ang pila ka programa kag serbisyo sang ahensya sa election spending ban.
Sa interview sang Bombo Radyo kay Therese Fely Legaste, Public Information Officer sang DSWD Region 6, iya ginpahayag nga indi sakop sang exemption ang pagpanagtag sang pila ka ayuda kaangay sang TUPAD, AKAP, AICS kag 4Ps halin Oktubre 23 tubtob Nobyembre 2, 2026.
Apang, magapabilin nga pwede ang paghatag sang medical kag burial assistance sa mga kwalipikado nga benepisyaryo, kag mahimo sila magpadulong sa pinakamalapit nga DSWD office para magpangayo sang impormasyon kag bulig.
Suno pa sa natungdan, tinutuyo sang amo nga programa amo ang mapabilin ang integridad sang eleksyon kag malikawan ang paggamit sang mga programa sang gobyerno.
