Magapanagtag cash relief assistance ang Department of Social Welfare and Development Regional Office 6 sa mga public utility driver subong nga bulan sang Mayo.
Sa interview sang Bombo Radyo kay Therese Fely Legaste, public information officer sang Department of Social Welfare and Development Regional Office 6, iya ginpahayag nga kapin 6,000 ka mga driver sa Western Visayas ang magabaton sang tag-P5000 kada isa.
Suno kay Legaste, kun sa mga tricycle, sa idalum sang mga local government units sang kada banwa, sa mga association sang kada jeepney naman magahalin ang lista nga iga-validate naman sang Land Transportation, Franchising and Regulatory Board (LTFRB).
Pagkatapos sini,lauman man ang pagpanagtag sang ayuda sa mga driver sang taxi, TNVS kag ang mga delivery rider.
Sa subong padayon ang pag-finalize sang schedule sang pag-release kag pila ka mga tikang agud mas mapadasig ang pagpanagtag.
