ROXAS CITY – Pagatsekyaron sang Department of Social Welfare and Development Region-VI ang listahan sang DSWD-Capiz sa mga nagpalista sang Agosto 20 nga wala gihapon maakomodar sang Agosto 27 nga payout schedule.
Sa interview sang Bombo Radyo kay Atty. May Rago-Castillo, ginpahayag sini nga ang mga nagpila sa Villareal stadium nga ginkuhaan sang pangalan kag contact numbers sang Agosto 20, ang consider na nga registered kag prayoridad kuntani sang Agosto 27.
Gani sa mga naghatag sang ila contact details sang Agosto 20 nga wala sa gihapon makabaton sang text message, posible nga sa masunod nga Sabado sila iga-schedule, suno pa kay Castillo.
Apang, naintindihan nila sa region nga madamo ang ginpapuli sa Capiz sang Agosto 20, gani ila pagahibaluon ang rason sa Capiz team.
Sa pihak nga bahin, nagpasalamat si Castillo sa mga LGUs kag ila mga partners sa pagpabilin sang kalinong kag katawhay sa venue, bangud nangin generally smooth, peaceful and orderly ang releasing sang educational assistance sa Western Visayas, ilabi na sa Capiz.
