Nagpatuman sang Emergency Cash Transfer ukon ECT payout ang Department of Social Welfare and Development Field Office VI sa President Roxas Civic Center subong nga adlaw sang martes, Setyembre 29, agud makahatag sang pinansyal nga bulig sa mga lokal nga mangunguma, landowners kag agricultural workers nga naapektuhan sang Red-Striped Soft Scale Insect ukon RSSI infestation.
Personal nga nagmonitor si DSWD Secretary Rex Gatchalian sa isa ka adlaw nga pagpanagtag sang ayuda nga nagatarget sa 2,914 ka kwalipikado nga benepisyaryo sa President Roxas, Capiz.
Sa idalom sang ECT program, ang tagsa ka kwalipikado nga benepisyaryo makabaton sang 10,325 pesos nga cash assistance.
Kabahin ini sang sabat sang national government agud mabuligan ang mga komunidad nga nagasalig sa agrikultura nga maatubang ang epekto sa ekonomiya nga tuga sang RSSI crisis, ilabi na sa Western Visayas.
