ROXAS CITY, CAPIZ- Nagpadulong sa Cebu ang mga katapo sang Department of Social Welfare and Development (DSWD) Western Visayas agud nga maghatag sang pagkaon sa mga biktima sang linog.
Sa interview sang Bombo Radyo kay Joselito G. Estember, Regional Director sang Department of Social Welfare and Development (DSWD) Region 6, iya ginpahayag nga una na nga nagpadulong ang pila ka mga staff sang ila nga talatapan dala ang ila nga mobile kitchen.
Suno kay Estember, pamaagi sa mobile kitchen, makakaon sang ‘ready-to-eat’ kag ‘hot meals’ ang mga apektado sang linog.
Pahayag pa nya, padayon sa pagpreparar ang ila nga talatapan partikular ang ila nga psychosocial team, pananglitan nga kinahanglanon sa probinsya, madasig nga makahatag sang gilayon nga bulig ang ahensya.
Dugang pa sang natungdan, padayon nga nagakoordinar ang ila nga talatapan sa mga natungdan sa Cebu agud nga makapreparar sang dugang pa nga bulig nga mahimo nga mahimo nila mahatag sa mga apektado.
Interviewed by Bombo Sunnie Mae Constantino Batencila
