Nagpirma sang Memorandum of Understanding ukon MOU ang Department of Social Welfare and Development-6 kag Capiz Police Provincial Office agud mapasangkad ang pagbinuligay sa pagpatuman sang Sustainable Livelihood Program ukon SLP sa Capiz.
Sa interview sang Bombo Radyo kay Police Major Rachelle Garnica, spokesperson sang CPPO, iya ginpahayag nga tinutuyo sang amo nga kolaborasyon amo ang masuportahan ang mga programa sa mga komunidad sa probinsya.
Suno kay Garnica, kabahin man sang programa ang pagpauswag sang kapasidad sang komunidad kag pagsuporta sa mga inisyatibo para sa palangabuhian kag trabaho.
Dugang pa sang natungdan, padayon man ang monitoring sang duha ka ahensya agud masiguro nga may nagakaigo nga giya kag suporta sa mga benepisyaryo sang programa.
