Nagpatigayon sang 2024 Year End General Assembly ang Department of Trade and Industry – Capiz sa isa ka hotel sa Pueblo de Panay, Lawaan, Roxas City.
Ang ginatuyo sa sini nga programa ang magdul-ong sang impormasyon natuhoy sa mga kadalag-an sang talatapan sang DTI-Capiz sini nga tuig.
Sa interview sang Bombo Radyo kay Ms. Ken Quennie Cuñada – Provincial Director sang DTI-Capiz, ginpahayag sini nga nangin mas madinalag-on ang mga locally produced products kag sang mga local Micro, Small kag Medium Enterprises Entrepreneurs.
Dugang pa sini, nangin progresibo subong nga tuig ang industriya sang tsokolate kun sa diin mas nagdako ang pagkinahanglan sini sa merkado.
Samtang, mas nagpangibabaw ang local produced product nga seafood indi lamang diri sa probinsya kundi mangin sa bilog nga rehiyon.
Mahibaluan nga apisar lima palang ka tuig ang industriya sang tsokolate sa probinsya, nangin madinalag-on ini sa merkado.
Suno pa kay Cuñada, lauman sang mga kunsomidor nga magluwas sa mga produkto sang pagkaon, paga-pasangkaron pa sang ahensya ang patag sang Arts and Crafts kag Digital products sa masunod nga tuig 2025.
