-- ADVERTISEMENT --

Ginkumpirmar ni Department of the Interior and Local Government (DILG) Secretary Jonvic Remulla nga isa ka Pilipino ang napatay sa nagluntad nga collision sang isa ka American passenger jet kag US military helicopter malapit sa Reagan airport sa Amerika sadtong gab-i sang Miyerkules, Enero 29.

Matandaan una na nga ginkumpirmar ni US President Donald Trump nga wala sang survivor ukon ginbawian sang kabuhi ang 67 ka mga indibidwal sakay sang duha ka sakayan.

Bangud sini, ginakabig ini nga deadliest US air disaster sa sulod sang masobra 20 ka tuig.

Sa karun, wala pa ginpaguha ang mga pangalan sang tanan nga mga biktima kalakip na ang isa ka Pilipino apang base sa report, pila ka mga promising young figure skaters kag personalidad ang sakay sang passenger plane nagikan sa Kansas.

Samtang wala paman sang pahayag ukon kumpirmasyon ang Embahada sang Pilipinas sa Washington D.C. may kaangtanan sa pagkamatay sang isa ka Pilipino.

-- ADVERTISEMENT --