MANILA, Philippines – Nagdesisyon ang Department of Trade and Industry (DTI), nga buhinan ang overseas investment bangod sa krisis sa Middle East.
Suno kay Cristina Roque, gin-kanselar ang plano nga investment mission sa Europa kag gin-prayoridad anay ang mga lokal nga isyu pareho sang price stability.
Nagpatuman man ang ahensya sang cost-cutting measures lakip na ang flexible work setup sa pila ka empleyado.
Samtang ginpasiguro nga may bastante nga suplay sang basic goods, ginpahayag nga ang presyo sini mahimo magbag-o depende sa masunod nga negosasyon sa mga manufacturers.
Ginlunsar man sang DTI, ang bilyon-bilyon nga loan programs agud buligan ang mga negosyo, samtang ginapaabot nga maapektuhan ang exports kag investments kun magpadayon ang krisis.
