Nakumpiska sang Department of Trade and Industry ang P13.217 million nga balor sang uncertified kag non-compliant household appliances nga ginabaligya online nga wala sang required markings.
Suno sa ahensya, ang nakumpiska nga appliances ang naglab-ot sa 3,000 items sang electric kettles, fans, pressure cookers, rice cookers, multi-cookers, induction cookers, kag blenders sa ginpatigayon nga enforcement operation sa Bulacan.
Ang mga produkto nga sakop sang Bureau of Philippine Standards’ Mandatory Certification process, ang natukiban nga kulang sang mandatory Philippine Standard marks kag Import Commodity Clearance stickers.
Wala na gin-specify pa sang DTI ang tag-iya sang establisimento sa Bulacan apang nag-issue na sila sang notice of violation kag gina-require ini nga magsabat ukon magpaathag sa sulod sang 48 oras.
