Nag-abot na sa Bangsamoro Autonomous Region in Muslim Mindanao (BARMM) ang dugang nga mga elite Army forces nga gin-deploy sa Bangsamoro Autonomous Region in Muslim Mindanao (BARMM) agud masiguro ang matawhay nga pagpatigayon sang national kag local elections sa rehiyon sa Lunes, Mayo 12.
Ginpahayag ni Army 6th Infantry Division (6ID) Maj. Gen Donald Gumiran nga kahapon nag-abot sa Tactical Operations Group headquarters ang contingent halin sa 53rd Division Reconnaissance Company (53rd DRC) sakay sa Philippine Air Force C-130 aircraft.
Ginsiling sini nga ginpadala ang mga pinili nga tropa agud masiguro ang luwas, malinong, matawhay, matinlo kag kredible nga eleksyon. Ginsiling sini nga ila man ginasuportahan ang Commission on Elections (Comelec) kag iban pa nga mga ahensya sa pagpabaskog sang demokratiko nga integridad sang eleksyon.
Ang 53rd Division Reconnaissance Company ginabug-usan sang 500 ka mga opisyales nga magasuporta sa 90th Infantry Battalion sa mga banwa sa North Cotabato kag pila ka bahin sang Special Geographic Area sa BARMM nga nalista sang Comelec bilang hot spot areas.
Sa karon, naglab-ot na sa 5,000 ka mga katapo sang militar ang gindeploy sa area of operations sang 6ID agud makabulig sa matawhay nga eleksyon.
