ROXAS CITY-Natalana nga igarelease sang Department of Labor and Employment ukon DOLE Region 6 ang tag 5 mil ka pesos nga bulig pinansyal sa idalum sang Covid-19 Adjustment Measure Program sa mga wala pa makabaton sang ayuda sa probinisya sang Capiz
Ginpahayag ni Niezel Sabrido Regional Information Officer sang DOLE Region 6 nga sa maabot nga lunes nga adlaw mabaton na ang 5 mil nga ayuda gikan sa CAMP sang mga empleyado nga wala makabaton sa probinsiya.
Suno kay Sabrido nga naglab-ut sa 214 ka mga kumpanya ang gin-aprubahan sang ahensya ukon masobra 2,577 ka mga empleyado ang makabaton sang ayuda.
Kadam-an sa mga ini ang gikan sa mga magagmay nga mga negosyo nga may yara sang mga magagmay nga empleyado.
Gindugang pa sini nga 19% sang pundo sang DOLE-CAMP ang gin-alokar para sa mga empleyado nga apektado sang enhanced community quarantine sa probinsiya.
Apang ginkasubo ni Sabrido nga may yara sang 15 ka mga kumpanya nga nagikan sa probinsya nga wala na ginabaton sang ahensya bangud sa kakulangan sang pundo
Ginpakamaayo naman sang ahensya nga I-sumiter ang mga application sini sa Department of Finance agud makabaton sang Small Business Wage Subsidy Program ukon sbws.
