ROXAS CITY – Panibag-o naman nga duha ka mga persona ang nagpabalhag sa Roxas City Police Station nga nabiktima sang illegal recruitment.
Ang nasambit nga mga biktima ang mga residente sang Barangay Loctugan kag Dinginan, sining siyudad.
Ginareklamo sang mga ini si Ramilyn Andrade sang Barangay Bolo, sining siyudad kalakip na ang iya nga Korean live-in partner nga nagpasalig sa ila sang trabaho sa Busan, South Korea kabaylo sang ila igabayad nga kwarta.
Sandig sa reklamo sang mga biktima, nagbayad sila kapin P60, 000 kag P70, 000 sa mga suspek apang wala nagtupa ang ila ginpromesa nga trabaho.
Matandaan nga una na nga nagtuhaw ang kapin 261 ka mga biktima sang mag-live partner matapos nga makompirmar nag natuntuhan lamang ang mga ini kag nagkadto sa wala ang ila ginbayad nga kwarta.
