ROXAS CITY – Nadugangan sang 17 ang numero sang mga repatriated OFWs nga nakapauli na sa probinsiya sang Capiz, matapos ma-stranded sa Metro Manila.
Ba-se sa impormasyon gikan sa Provincial Disaster Risk Reduction and Management Office (PDRRMO) nga nag-abot kaina sang kaaganhon sakay sa Ceres Bus liner ang 17 ka mga repatriated OFWs nga nagsakay sa sweeper flight sa Iloilo.
Ginsugat sila sang ambulansiya sang ila tagsa ka mga LGUs.
Kalakip sa mga kabanwahanan nga may nag-abot nga OFWs amo ang banwa sang Ivisan, Pontevedra, Tapaz kag Sigma nga may duha, tatlo sa Panay, apat sa Roxas City kag tig isa sa Pilar kag Mambusao.
Sa karon may yara na sang 806 ka mga repatriated OFWs nga nag-abot sa probinsiya samtang 4mil 105 naman ang mga Locally Stranded Individuals (LSIs).
Nahibaluan nga temporaryo man nga ginsuspende ang pagpapauli sa mga LSIs kag repatriated OFWs sa ila tagsa ka mga lugar, kasunod sang nangin mandu sang National Inter Agency Task Force.
