-- ADVERTISEMENT --
Liwat nga nagapanawagan ang United Labor Panay sa Regional Tripartite Wages and Productivity (RTWPB) nga aprubahan ang P250 nga saka sa daily minimum wage sang mga mamumugon sa Western Visayas.
Sa interview sang Bombo Radyo kay Mr. Elmer Forro, Spokesperson sang United Labor Panay, iya ginpahayag nga indi na makaigo ang P550 nga minimum nga sweldo kada adlaw sang mamumugon bangud sa madasig nga pagtaas sang presyo sang balaklon.
Suno kay Forro, ang purchasing power sang piso subong ang yara na lang sa 74 centavos sa diin P407 pesos na lang ang value sang P550 nga sweldo.
Sa pagkamatuod pahayag niya, ang regional family living wage ang dapat yara sa P1,030 kada adlaw sandig man sa independent think tank nga IBON foundation.
-- ADVERTISEMENT --
