Dugang nga presyo sa produkto nga petrolyo, ginpatuman subong nga adlaw

Nagpatuman sang dugang nga presyo nga petrolyo ang mga kumpanya sang langis subong nga adlaw Abril 22, 2025.

Kaina alas 6:00 sang aga ginpatuman ang P1.35 nga pagtaas sa presyo sa kada litro sang gasolina.

May P1.30 naman nga dugang sa presyo sa kada litro sang diesel samtang ang kerosene may pagtaas nga P1.30 sa kada litro.

Suno sa Department of Energy (DOE), ang nasambit nga pagtaas sa presyo sang mga produkto nga petrolyo bangud sa padayon nga tensyon sa Middle East kag ang pagpamahog sang US nga pagtaas sang taripa sa mga pungsod.