Gin aprubahan na sang Regional Tripartite Wages and Productivity Board (RTWPB) – Region 7 (Central Visayas) ang dugang nga sweldo para sa mga minimum wage earners kag bulanan ang sweldo nga mga mamumugon sa nasambit nga rehiyon.
Base sa Wage Order No. ROVII-26, mangin P540 na maghalin sa dati nga P501 para sa mga mamumugon sa Class A municipalities and cities sang rehiyon.
Sa idalom sang Class A amo ang mga syudad sang Carcar, Cebu, Danao, Lapu-Lapu, Naga, Talisay kag ang mga munisipalidad sang Compostela, Consolacion, Cordova, Liloan, Minglanilla kag San Fernando nga nagabug-os sang Expanded Metro Cebu.
Samtang, ang mga yara sa Class B ang makabaton sang P500 nga adlaw-adlaw nga sweldo gikan sa nauna nga P463.
Ang mga lugar nga ginakalakipan amo ang banwa sang Bais, Bayawan Bogo, Canlaon, Dumaguete, Guihulnga, Tagbiliran, Tanjay at Toledo kag iban pa nga mga munisipalidad nga wala makalista sa Class A.
Samtang, ginpataas man sa P7, 000 ang sweldo sang mga maids sa chartered cities kag first-class municipalities.
Ang nasambit nga wage adjustments sa rehiyon ang mangin epektibo sa palaabuton nga Oktubre 4, 2025.
