ROXAS CITY-Ginalaoman nga madamo na naman sang mga blood donors ang magatambonng kag magadonar sang ila hamili nga dugo sa Dugong Bombo 2020 subong nga adlaw Setyembre 20, Domingo.
Ang nasambit nga kahiwatan ang patigayunon sa civic center sa Barangay Poblacion Sur, Ivisan, Capiz sa bulig man sang mga LGU’s, Philippine Red Cross kag Bombo Radyo Philippines.
Bangud diri, kabay pa nga madamo na naman sang maga-ugyon sa nasambit nga aktibidad kag maga-donar sang ila hamili nga dugo.
Apisar nga nagapangatubang ang tanan sa COVID-19 Pandemic, ginpasiguro naman sang PRC kag LGU’s nga ipatuman sa gihapon ang mga minimum health protocol pinaagi sa pag-obserbar sang social distancing, pagsuksok sang facemask kag faceshied.
Antes magdonar sang dugo ang isa ka indibidwal igapaidalom ini anay sa interview ukon screening sang mga katapo sang PRC agud mahibaluan nga wala ini sang anuman nga ginabatyag nga balatian.
Ang makuha nga mga dugo sang PRC gikan sa mga successful donors ang sarang nga makabenepisyo sa mga nagakinahanglan ilabi na sa mga pasyente nga nagasupreher sang nagkalain-lain nga mga balatian.
Mahibaluan nga may yara man sang igahatag ang LGUs sang banwa nga ‘gift” para sa mangin successful donors.
Magluwas pa diri, ang mangin successful donors sa Dugong Bombo 2020 sa Ivisan ang hatagan man sang Bombo Radyo Roxas sang Dugong Bombo Special Edition T-shirt kag mga vitamins.
Mahibaluan nga ang isa ka blood donation ang mahimo makasalbar sang tatlo ka kabuhi sang tawo.
