-- ADVERTISEMENT --
Gina-engganyo sang Philippine Red Cross Capiz Chapter ang publiko nga magdonar sang dugo sa Dugong Bombo 2026 nga pagahiwaton sa SM Roxas sa Nobyembre 16, 2026.
Sa interview sang Bombo Radyo kay Mr. Raymundo Martinez, Administrator sang Philippine Red Cross Capiz Chapter, iya ginpahayag nga daku ang mabulig sang aktibidad sa paagi sa pagtipon sang suplay sang dugo para sa mga pasyente nakinahanglan sang dugo sa bug-os nga pungsod.
Suno kay Martinez, pinaagi sa pagdonar sang dugo mahimo ini makabulig nga magluwas sang kabuhi sang tatlo tubtob apat ka tawo.
Gani, ginapangabay sang Philippine Red Cross Capiz ang mga kwalipikado nga blood donors nga mag-upod sa Dugong Bombo 2026 kag magdonar sang dugo para makabulig sa mga nagakinahanglan.
