MAAYON CAPIZ – Boluntaryo nga nagsungka sa Maayon Municipal Police Station, ang duha ka lalaki nga nagpakilala anay katapo sang Communist Terrorist Group (CTG).
Sa impormasyon nga nagikan sa Maayon Municipal Police Station, ginpahayag nga personal nga nagpadulong sa ila istasyon ang wala na ginhingadlan nga mga persona.
Pahayag sini nga nagsulod sila sa organisasyon sadtong Marso 2014 tubtob 2024 kag nagserbe bilang aktibo nga myembro sang Central Front Committee Squad 1 sa idalum sang pamunuan ni Francisco Gayas Balois ukon mas kilala“Ka Tonying”,nga naga-operate sa nagkalain-lain nga banwa kaangay sang Maayon, Pontevedra, Pilar, President Roxas, Cuartero, Dumalag, Tapaz, kag Dumarao.
Nagpalab-ot naman sang pinansyal nga suporta si Mayor Raymund Malapajo sa nagsungka nga CTG member.
Sa karon, yara na sa kustodiya sang Maayon MPS ang nasambit nga persona para sa nagakaigo nga disposisyon.
