LAOAG CITY, ILOCOS NORTE – Duha ka atleta sa Palarong Pambansa 2025, nagbulsa sang una nga gold medal para sa ila tagsa ka rehiyon
Nagahilibion Si Chrisia Mae Tajaros sang Region 8, Eastern Visayas (Leyte), sa iya kadalag-an matapos makuha ang una nga gold medal sa pagdalagan sang 3,000-meter sa secondary girls.
Si Tajarros ang nagikan sa Tanauan National High School sa Leyte.
Una na ini nga nagpangaduha sang makakuha sang Silver Medal sa Palaro sadtong 2024 sa Cebu kun sa diin makabig nga isa ka daku nga improvement sa iya.
Samtang, nag-angkon man sang una nga gold medal sa Para Games si Jared Quezon sang Region IV-A ukon CALABARZON.
Ang 18-anyos nga atleta gikan sa Sta. Rosa City, Laguna ang nagpagkit sang 5.86 meters sa long jump T13 category (para sa mga atleta nga may sablag sa panan-awan).
Makabig nga maragtason ini nga kadalag-an para kay Quezon nga una nga bes nga nagpasakop sa Palaro.
Ang kadalag-an nanday Tajaros kag Quezon ang nagaserbe nga inspirasyon sa tanan nga mga tagpasakop sa Palarong Pambansa 2025 nga nagapakita sang dedikasyon, tiyaga, kag kasagad sa patag sang sports.
Ginalauman ang mas madamo pa nga ginkalangkagan nga hampang sa mga masunod nga adlaw.
