Patay ang duha ka babaye samtang naga-jogging sa isa ka highway kag duha ang pilason matapos ginluthang sang mga armado nga suspek sa Barangay Muntay, Kolambugan, Lanao del Norte sang Martes sang aga, Abril 21.
Suno sa Lanao del Norte Provincial Police Office, ginkilala ang mga biktima nga sanday Grace Ajim kag Christine Caluyong. Lunsay napatay ang duha bangud sa igo sang bala.
Base sa report sang barangay officials, gin-ambush ang mga biktima sang duha ka lalaki nga armado samtang naga-jogging sa highway sa Purok 3, Barangay Muntay, residential area sa Kolambugan.
Base sa CCTV footage gikan sa mga establisyemento sa lugar, gilayon nga nagpalagyo ang mga suspetsado matapos ginluthang ang duha ka biktima.
Padayon ang koordinasyon sang Kolambugan Municipal Police Station kag mga lokal nga opisyal agud matumod ang mga suspetsado kag maklaro ang motibo sa krimen.
