Nangin daw eksena sa comedy movie ang paglagas sang duha ka idik sa South Carolina, United States, matapos nga nagpalagyo ini sa ila tag-iya kag naghatag sang indi kinaandan nga trabaho sa mga pulis.
Sa video nga gin-share sa social media, makita ang duha ka idik nga ginlagas sang duha ka pulis sa isa ka talagsahon nga “hoof chase.”
Ang ila pagpalagyo temporaryo nga nagdisturbo sa kalinong sa lugar kag nagkinahanglan sang pagresponde sang kapulisan agud masiguro nga indi sila makahalit ukon magresulta sa aksidente sa palibot.
Sa ulihi, ginbalik ang duha ka “career cri-ham-inals” sa ila tag-iya.
Apang, suno sa police department, “No ham was done” ukon wala man sang may napilasan sa amo nga insidente.
Sa pihak sang gamay nga kagamo nga ila ginhatag, wala man sang bacon nga nadugang sa police report!
