‎Duha ka barko sang US navy, nagbungguanay sa Caribbean Sea

Pilason ang duha ka US Navy personnel matapos nagbunggu-anay ang duha nila ka barko sa Caribbean Sea.

Ang USS Truxtun nagbunggo sa supply ship nga USNS Supply samtang nagakuha ini sang bag-o nga mga supply.

Yara naman sa maayo nga kahimtangan ang mga napilasan nga personnel nga nag-angkon sang minor injuries.

Luwas naman ang pagbyahe sang duha ka barko pagkatapos sang insidente.

Wala naman ginpahayag sang Southern Command kun ano ang gintunaan sang pagbungguanay, kag padayon pa nga gina-imbestigaran ang insidente.