Ginpangunahan sang Duha ka mga cardinal ang misa sang nagligad nga semana antes ang conclave ukon eleksyon sang bag-o nga lider sang Simbahan Katoliko.
Lakip sa ila ang mga kardinal nga sanday Jean-Marc Noel Aveline kag Wilton Daniel Gregory nga nagpanguna sa misa sa separado nga mga simbahan.
Ang 66-anyos nga arsobispo sang Marseille, France nga si Aveline, ginakabig nga posible magabulos sa nagtaliwan nga si Pope Francis.
Kilala sia sa iya kaanggid nga ideolohiya sa nagtaliwan nga Katoliko nga pontiff, ilabi na sa imigrasyon kag kaangtanan sa mga Muslim.
Kon mapilian sia nga masunod nga Papa, si Aveline ang mangin una nga papa sang Pransia halin sang ika-14 nga siglo.
Samtang, si Wilton Daniel Gregory, anay arsobispo sang Washington, amo ang una nga African-American cardinal sang simbahan nga gintangdo ni Francis sang 2020.
Ginpangunahan niya ang misa sa Saint Mary Immaculate Parish, isa ka simbahan sa guwa sang Roma.
Sa Mayo 7, 2025, 133 ka mga cardinal ang ginalauman nga magatambong sa Sistine Chapel nga mangin mga contender’s para sa masunod nga pangulo sang simbahan.
