ROXAS CITY – Pilas ang naangkon sang duha ka driver kag backrider nga mga menor de edad, matapos ang nagluntad nga aksidente sa Barangay Mianay, Sigma, Capiz takna alas 6:00 sang gab-i kahapon Hulyo 31, 2023.
Ginkilala ang driver sang Honda XRM kay Allen De Pedro 40-anyos kag backrider sini nga 2 ka menor de edad lunsay residente sang nasambit nga lugar.
Samtang ang driver naman sang Suzuki Smash ang ginkilala kay
Kristian Barrientos residente sang Barangay Loctugan, Roxas City.
Sa impormasyon nagikan sa Sigma Municipal Police Station ginapahayag nga samtang magatabok kun tani si De Pedro sa dalan sakay sang iya sini motorsiklo sang hinali na lamang nga nabungguan ini sa likod sang ginamaneho ni Barrientos nga magapadulong naman kun tani sa banwa sang Ivisan nagikan sa Sigma town proper.
Bangud sini, lunsay nga natumba sanday De Pedro kaupod ang 2 sini kag backrider kag Barrientos nga lunsay nag-angkon sang pilas sa magkatuhay nga lawas.
Madasig naman ini nga ginrespondihan sang Sigma Response Team agud hatagan sang pauna nga pagbulong antes gindala sa Mambusao District Hospital.
