Nagpangayo sang pasaylo ang Isa ka kompaniya sa Japan matapos nabuyagyag nga duha sa ila mga empleyado ang ginmanduan nga magbalik sa sulod sang isa ka shopping mall agud makakuha sang cash gikan sa mga registers kasunod sang mabaskog nga linog sa Kumamoto, Japan, sang Hulyo 28.
Ang duha ka trabahador ang nalakip sa 38 ka mga tawo nga napatay sa magnitude 6.8 nga linog; pito sa mga biktima ang gikan sa Aeon Mall.
Gin-ako sang kompaniya nga indi nagakaigo ang ginhatag nga mando sa mga empleyado kag gin-ako nga isa ka dako nga sala ang desisyon.
Isa sa mga napatay amo ang 22-anyos nga si Kurumi Otake, suno sa iya pamilya, nagbalik ini sa sulod sang building matapos ginsugo sang kompaniya nga magsaylo sang kwarta halin sa cash register pakadto sa secure container.
Sa subong ginakonsiderar na sang kompaniya ang ila masunod nga tikang angut sa insidente, samtang padayon naman nga nagapangasubo ang pamilya sang mga biktima sa ila pagkadula.
