Kritikal ang kondisyon sang duha ka mga estudyante sa 15 ka mga pilason sa nagluntad nga pagpangluthang sa sulod sang eskwelahan sa San Jose National High School, Tacloban City.
Ang mga biktima amo sanday Joan Vinias, isa ka Grade 10 student nga gintiro sa ulo kag si Nathan Candelario, isa ka Grade 9 student nga naigo sang bala sa tiyan.
Suno sa iloy ni Joan nga si Rowena Eracho, malain ang pamatyag sang iya anak antes magsulod sa eskwelahan apang nagpamilit ini nga magsulod.
Pag-abot sini sa ospital matapos nabatian ang natabo, nakita sini ang iya anak nga nagahamyangon sa stretcher.
Samtang suno naman sa amay ni Nathan nga si Erwin, nagsulod ang bala sa idalum sang pusod sang iya anak kag nagguwa sa iya kilid nga nagresulta sang tatlo ka pilas sa tiyan, rason nga madugay ang pag-recover.
Sa subong nagapabilin sa kustodiya sang kapulisan ang mga suspetsado nga naga-edad sang 14 kag 15 anyos kag padayon ang panawagan sang mga pamilya para sa hustisya.
