ROXAS CITY – Dakop ang duha ka ginakabig High Value Indibidual, matapos ang ginkasa nga drug buybust operation sang mga otoridad kagab-i Agosto 24 sa Barangay Bula, Mambusao Capiz.
Ginkilala ang nagkaladakpan nga sanday Marvin Alejaga, 38- anyos residente sang Pob. Tabuc sang nasambit nga banwa kag Athaniel Delfin, 18-anyos residente sang Pinalamatican, banwa sang Sigma.
Sandig sa impormasyon nagikan sa Mambusao, Municipal Police Station, narekober sa posesyon sang mga nagkaladakpan ang 15 tanan ka plastic sachets sang ginaalegar iligal nga droga nga may estimated drug price P476,000 kag 6,500 nga buy bust money, coin purse kag isa ka motorsiklo nga Yamaha nagaduag orange.
Kaso nga paglapas sa Republic Act 9165 ukon Comprehensive Dangerous Drugs Act of 2002 ang pagaatubangon sang mga nagkaladakpan.
Sa karun, yara na sa kustodiya sang Mambusao PNP sanday Alejaga kag Delfin para sa nagakaigo nga disposisyon.
