SAN CARLOS, Binangonan, Rizal – Nakumpiskar sang Philippine Drug Enforcement Agency “PDEA”, kag sa bulig sang PNP Regional Intelligence Unit 4A–Provincial Intelligence Team “RIU4A-PIT”, ang P1.5M sang ginapatihan nga Marijuana sa ginpatigayon nga buy-bust operation sa Barangay San Carlos, Binangonan, Rizal.
Ang arestado ginkilala kanday alias Karl, 33-anyos kag alias Rhea, 32-anyos nga lunsay residente sang nasambit nga lugar.
Matandaan nga natigayon ang madinalag-on nga operasyon sang Agosto 22 sa takna sang 6:20 sang gab-i.
Nakuha sa duha ka suspetsado ang High Grade Marijuana ukon Kosh nga nagabalor sang Php1,500,000.00, samtang dugang man sa narekober ang marijuana resin, vape canisters, digital weighing scale, rolling paper, grinder, kag cellular phones nga magaagi sa pag kumpirma para sa posible nga mga rekord sang iligal nga transaction.
Sa karon, yara na sa kustodiya sang mga otoridad ang duha ka suspetsado kag magaatubang sang kaso nga ginpreparar agud ipasaka sa korte batok sa mga suspetsado may kaangtanan sa paglapas sang Republic Act No. 9165, ukon ang Comprehensive Dangerous Drugs Act of 2002.
