Isa ka SUV ang gin-anod sang mabaskog nga tubig samtang nagatabok sa Agno River nga nagresulta sa kamatayon sang duha ka mga indibidwal kag pagkapilas sang tatlo ka iban pa.
Suno sa mga otoridad, isa ka itom nga Toyota Fortuner ang gin-anod sang mabaskogg nga tubig sa Sitio Tabu, Barangay Dalupirip.
Suno sa report sang Itogon Municipal Disaster Risk Reduction and Management Office (MDRRMO), naghalin sa graduation pictorial ang mga sakay sang SUV kag manugbalik na kuntani sang nagtuyo nga magtabok sa suba sang hinali nga pagtaas sang tubig.
Gilayon naman nga nagresponde ang mga rescue teams kag gindala sa Itogon District Hospital ang mga pilason nga sakay sang SUV.
Narekober man ang salakyan antes mag-alas 4 sang hapon, apang isa sa mga pilason ang napatay sa ospital, samtang ang bangkay sang isa pa ka nadula nga tawo nasapwan sang ulihi.
