Duha ka indibidwal, patay samtang 1.6 million ka mga residente ang gin-evacuate matapos nag-igo ang bagyo Dujuan sa Japan‎

‎Patay ang duha ka indibidwal matapos nag-igo ang Typhoon Dujuan sa Japan nga nagtuga sang malapnagon nga pagbaha kag pagtiphag sang duta.
‎
‎Masobra 1.6 million ka mga residente ang gin-evacuate samtang linibo man ka panimalay ang nadulaan sang kuryente.
‎
‎Ginkasela naman ang kapin sa 270 ka mga flights kag pila ka mga biyahe sa tren, lakip ang bullet train nga nagabiyahe sa tunga sang Tokyo kag Osaka.
‎
‎Suno sa Japan Meteorological Agency, nagapalayo na ang bagyo apang lauman sa gihapon ang pagtupa sang mabaskog nga ulan sa pila ka mga lugar.