Duha ka indibidwal ang ginapahayag nga may yara sang human anthrax infection matapos makuha ini sa ginkaon nga karne sang karabaw sa probinsya sang Cagayan.
Sa pahayag sang Cagayan Provincial Information Office (CDC) nagapatigayon na sila sang maid-id nga imbestigasyon bangud nahibaluan nga kadam-an sa mga residente sang Sto. Niño ang nakakaon sang nasambit nga infected nga karne.
Suno naman sa Centers for Disease Control and Prevention, ang human anthrax isa ka seryoso nga sakit nga dala sang bacteria nga “bacillus anthracis.”
Masami ini suno diri nga makuha sa mga lapok kag naka-apekto sa mga livestock kag wild animals.
Mahimo man ini nga mapasa sa isa ka indibidwal kaangay na lamang sang ginapahayag nga kaso sa Cagayan nga sa tion makaon ang infected nga karne sang sapat.
Mahibaluan nga pila sa mga sintomas sini ang lagnat, pagpalanakit sang dughan kag lawas kag pagpamalhas.
Matandaan nga nakapagkit man ang Cagayan sang kaagay sini nga kaso sadtong Disyembre 2022 kung sa diin sa 12 nga kaso sini, tatlo ang ginkumpirmar sang Department of Health (DOH).
