Masobra 1,000 ka mga residente ang gin-evacuate matapos natabo ang sunog sa kagulangan sang Iwate Prefecture sa Japan nga nag-umpisa sang Miyerkules.
Naglab-ot na sa 1,176 ka ektarya ang kalaparon sang nasunog nga kagulangan tubtob Biyernes sang aga.
Nag-umpisa ang una nga sunog sa Kozuchi district sang banwa sang Otsuchi antes naglapta sa mga buildings kag mga kaiping nga kagulangan, samtang isa pa ka sunog ang natabo sa mabukid nga bahin sang Kirikiri district nga yara sa 10 kilometro ang kalayu-on.
Gin-abisuhan sang lokal nga gobyerno ang mga residente halin sa 566 ka mga puluy-nga mag-evacuate bangud sa peligro, apang wala pa sang narekord nga napatay ukon napilasan.
Ginapatihan nga ginapalala sang mabaskog nga huyop sang hangin ang madasig nga paglapta sang kalayo.
