ROXAS CITY -Napasakaan na sang kaso nga paglapas sa Republic Act 10591 ukon Comprehensive Firearms and Ammunition Act for Illegal Possession of Firearms, ang duha ka lalaki matapos ang ginkasa nga entrapment operation sa banwa sang President Roxas takna 2:45 sang hapon, Agosto 12 sa Sitio Kamatis, Barangay Poblacion, President Roxas.
Matandaan nga ginkilala ang mga nagkaladakpan nga sanday Roel Aguilar Pioquid, 53-anyos, mangunguma kag ginapahayag driver sang trysikol nga ginsakyan sa pagpatigayon sang transaksyon kag residente sang Sitio Euscade, Barangay Badiangon kag John Alfred Caballero, 29-anyos kag residente sang Barangay Cabug-Cabug sang nasambit nga banwa.
Sa interview sang Bombo Radyo kay PMajor Rachel Garnica hepe sang President Roxas City, natigayon nga madakpan ang mga nasambit nga persona pinaagi sa isa ka pulis nga nagpakuno-kuno poseur-buyer.
Nakuha sa posesyon sang mga nadakpan ang 1 ka unit sang caliber 5.56 M16 Armalite Rifle, 1 ka steel magazine kag 25 ka bala sa baylo sang P39,500 pesos kag traysikol.
Sa karon, yara na sa paghinakop sang President Roxas Municipal police station ang mga nadakpan para sa nagakaigo nga disposisyon.
