Duha ka lalaki nga nag-picture sang ila vote receipt sa Mambusao, ginpasakaan na sang kaso

MAMBUSAO, CAPIZ – Ginpasakaan na sang kaso ang duha ka botante nga nag-picture sang ila vote receipt sa Barangay Sinondojan, Mambusao, Capiz matapos nga nagboto sang Mayo 12, 2025.

Kun matandaan nga ginkilala ang duha nga sanday alyas Hernanie, 57-anyos, security guard yara sa legal nga pang-edaron kag alyas Rafael, isa ka tanod kag lunsay mga residente sa nasambit nga lugar.

Kaso nga paglapas sa COMELEC Resolution No. 11076 kag Batas Pambansa Blg. 881 ukon ‘taking pictures or recording videos inside the voting precinct’ ang pagaatubangon sang mga nadakpan.

Sa karon nagapabilin ang mga ini sa kustodiya sang Mambusao PNP para sa nagakaigo nga disposisyon.