-- ADVERTISEMENT --
ROXAS CITY -Nag-angkon sang pagpalanakit kag menor nga kapilasan sa lawas ang duha ka driver matapos ang nagluntad nga pagbungguanay sang duha ka mga motorsiklo sa Barangay Rizal, Pontevedra, Capiz.
Base sa inisyal nga imbestigasyon sang Pontevedra PNP nga aksidente nga nagbungguanay ang duha ka mga motorsiklo nga ginamaneho nanday Walden Belo 38-anyos sang Barangay Ilaya kag Mario Baylon 37-anyos sang Barangay Tabuc sang amo man nga banwa.
Bangud diri, lunsay nag-angkon sang mga menor nga pilas sa lawas ang duha ka nasambit nga persona nga gilayon naman gindapatan sang nagakaigo nga pagbulong.
Nahibaluan nga yara sa idalom sang impluwensya sang makahulubog nga ilimnon ang duha sang nagluntad ang aksidente.
