DUMARAO, CAPIZ – Arestado ang duha ka mga mamumugon sa ginkasa sang mga kapulisan nga drug buybust operation sa Barangay Codingle, Dumarao, Capiz.
Ginkilala ang mga nadakpan nga sanday Romel Derotas, 21-anyos, drug surrenderee, nga residente sang Brgy. Janguslob, Dumarao kag Jevee Henaris, 29-anyos nga residente naman sang Brgy. Codingle, sa amu nga banwa.
Nakuha sa paghinakop sang mga nagkaladakpan ang lima (5) tanan ka sachet sang ginapatihan iligal nga droga nga may kabug-aton nga 10 grams kag may standard drug price nga P68,000.
Natigayon nga madakpan ang mga suspek pinaagi sa gintingub nga pwersa sang Capiz PPDEU, Cluster SDET nga ginakalakipan sang Dumarao MPS (Lead Unit), Cuartero MPS kag Dao MPS sa koordinasyon sang Philippine Drug Enforcement Agency 6 (PDEA 6).
Sa karon, ang mga arestado ang yara na sa kustodiya sang Dumarao PNP kag natalana nga pasakaan sang nagakaigo nga panumbungon.
