Duha ka mga babayi nagpositibo sa COVID-19 sa banwa sang Pilar

ROXAS CITY-Nakapagkit sang duha ka mga panibag-o nga kaso sang COVID-19 ang banwa ang Pilar.

Sa ginpaguwa nga official statement ni Pilar Mayor Arnold Perez ginpahayag sini nga duha ka mga babayi nga nagapang edaron sang 48 kag 14  ang nagpositibo sa amo nga sakit.

Gindugang pa sini nga may yara sang close contact sa isa man ka nagpositibo sa amo nga sakit ang duha ka babayi nga nagpositibo.

Ginpaidalom sa RT-PCR test sang tinalikdan nga Setyembre 9 ang duha ka mga babayi matapos nga natumod sa contact tracing nga naka close contact sang duha ang nauna na nga nagpositibo sa amo nga sakit.

Sa karon nagapabilin nga asymptomatic ang duha ka mga babayi samtang ginapaidalom sa quarantine sa Municipal Quarantine Facility sa banwa sang Pilar.