Duha ka mga Chinese nga pasahero, ginaresto sang BI sa NAIA

Arestado ang duha ka mga Chinese passengers sa Ninoy Aquino International Airport Terminal 1, matapos nga magpresentar sang peke nga visa.

Ginkilala sang BI ang mga nadakpan nga sanday Wang Dingku, 31-anyos, kag Su Zhengkun 25-anyos .

Suno sa ahensya, gintestingan ni Dingku kag Zhengkun nga maguha sa pungsod kag padulong kuntani sa Bangkok, Thailand.

Bitbit man suno diri sang nasambit nga pasahero ang ila mga peke nga dokomento agud makasulod sa Bangkok.

Bangud sini, ginpasakaan sang reklamo sanday Dingku kag Zhengkun bangud sa paglapas sa  Philippine Immigration Act.

Samtang, nagapabilin naman ang mga ini sa holding facility sang BI sa Camp Bagong Diwa, Taguig City samtang ginaproseso ang ila deportasyon.