Pilason ang duha ka mga lalaki sa nagluntad nga vehicular accident sa tunga sang angkar-angkar kag tricycle sa Crossing Jail, Barangay Lawaan, Roxas City.
Ang driver sang tricycle amo si alyas Bert, 42-anyos kag residente sang nasambit nga lugar.
Samtang ang driver naman sang angkar-angkar amo si alyas Vin, 26-anyos kag residente sang Barangay Calaan, Panit-an, Capiz.
Sa interview sang Bombo Radyo kay Police Lieutenant Colonel Rogelio Tomagtang Jr., Chief of Police sang Roxas Component City Police Station, iya ginpahayag nga nagapadulong sa magkasugata nga direksyon ang magtimbang nga bahin sang hinali nga nadulaan sang kontrol sa pagmaneho ang driver sang tricycle.
Bangud sini, nakabunggo ang tricycle sa nakasugata sini nga angkar-angkar, nga nagresulta sang pilas sa nagkalain-lain nga parte sang lawas sa duha ka mga driver.
Sa subong, nagapabilin sa ospital ang duha ka mga driver samtang padayon ang imbestigasyon sang kapulisan sa insidente.
