ROXAS CITY-Ginkompirmar sang Punong Barangay sang Barangay Cagay sining siyudad nga matunog na ang pangalan ni Rodiny Arabacan pag-abot sa pagduso sang iligal nga droga sa nasambit nga barangay.
Ginpahayag ni Aragon nga tatlo na ini ka beses nga nadakpan sa pagduso sang iligal nga droga kalakip na ang pinakaulihe nga operasyon sa Santa Barbara, Iloilo.
Dugang pa ni Aragon nga lunsay mga drug surrenderer si Rizon kag Arabacan sa nasambit nga barangay.
Ginkompirmar man sang tagpamaba sang Roxas City Police Station nga si Police Master Sergeant Ramil Arcangeles nga madugay nga ginamonitor sang mga kapulisan si Arabacan matapos nga nadismiss ang panumbongon sa Iloilo kag nakabalik sa probinsiya.
Suno kay Arcangeles nga may yara sang nagpalab-ot sang impormasyon sa mga kapulisan nga liwat nga nagaduso sang iligal nga droga si Arabacan kaupod si Rizon matapos nga nagkaladakpan ang mga kaupdanan sini sa Iloilo.
Ginapatihay nga posible nga gina-enganyo ni Arabacan nga mag-upod sa iya si Rizon sa pagduso sang iligal nga droga.
Aminado si Arcangeles nga ginbudlayan ang mga operatiba sa pagdakup kay Arabacan bangod masami ang mga ini nagasaylo-saylo sang poluy-an.
