Patay ang duha ka mga estudyante matapos ang shooting incident sa Ateneo de Zamboanga University sa Zamboanga City.
Isa sa napatay amo man ang suspek nga isa ka estudyante.
Sandig sa impormasyon, nakasulod ang shooter sa unibersidad dala ang high-powered firearm kag .45 caliber pistol.
Suno kay Mayor Khymer Olaso, sa mismo nga video, una nga ginpalukpan sang armas ang manunudlo apang wala maigo.
Nagsaylo ang suspek sa iban nga classroom kag ginbunot ang .45 caliber kag ginluthang-patay.
Pahayag niya, posible nga may duha pa ka mga indibidwal nga pilason bangud sa insidente.
Matapos ang pagpangluthang, gin-utas man sang suspek ang iya kabuhi.
Ginkumpirma man sang alkalde nga ang shooter nagasuksok sang body camera kag naga-live stream.
Samtang gin-relieve naman bilang Distict Commander sang Enforcement and Security Services (ESS) sa Zamboanga port ang amay sang suspek nga si Lt. Lars Jalani.
Sa social media post, ginpahayag sang Ateneo de Zamboanga University Junior High School nga under control na ang sitwasyon.
Ginkasubo naman sang Zamboanga City Government ang insidente kag nagapakig-angot na sa school management, sa Zamboanga City Police Office kag sa mga otoridad.
