Tatlo ka mga judge nga lunsay babaye ang magabug-os sang Pre-Trial Chamber I para sa confirmation of charges hearing nga natalana subong nga adlaw tubtob sa Pebrero 27.
Ini amo sanday Presiding Judge Iulia Antoanella Motoc kag Judges Reine Adélaïde Sophie Alapini-Gansou and María del Socorro Flores Liera.
Matandaan nga sang Mayo 14, 2025, gintinguhaan ni former President Rodrigo Duterte nga ma-disqualify sanday Alapini-Gansou kag Liera apang ini ang ginbasura sang ICC sang Hunyo 9, 2025.
Ang hearing natalana sa Pebrero 23, 24, 26 kag 27, 2026 sa Courtroom I.
Ang Prosecution, ang Defence kag ang Legal Representatives of Victims magahimo sang oral submissions sa mga judge agud mapresentar ang ila argumento sa merito.
Ginaathag sang ICC nga ang confirmation of charges hearing ang indi isa ka trial sa baylo magadetermina lamang ini sa mga ebidensya nga i-presentar sang kampo sang mga biktima kag kampo sang anay president.
Sa sulod sang 60 ka adlaw matapos ang confirmation of charges masulod ang pag-review sang mga ebidensya kag makapaguwa sang desisyon ang ICC kun ma-transfer ang kaso sa full trial.
