ROXAS CITY-Gin-veto ni Roxas City Mayor Ronnie Dadivas ang duha ka mga ordinansa nga ginpapasar sa Sangguniang Panlungsod sang damlag lang.
Ini ang isa mga nagtranspire sa ginpatigayon nga session sang Roxas City Council.
Sandig sa session nga gin-veto ni Dadivas ang “Videoke Ordinance 2020” nga ginpapasar ni City Councilor Jericho Celino kag ang Anti-Misting Ordinance ni City Councilor Cesar Yap Jr.
Apang, wala pa sang klaro kun ano ang rasun sang pagveto sang nasambit nga alkalde.
Matandaan nga sa Videoke Ordinance ni Celino ginalimitahan ang pagpatigayon sang videoke humalin alas 10 sa gab-e tubtob alas 5 sang aga.
Samtang, sa Anti-Misting Ordinance naman ni Yap, ginadumilian ang pagpahamtang sa mga misting tents sa mga establisyemento bangud sa malain nga epekto sini sa ikaayong lawas.
