-- ADVERTISEMENT --
PILAR, CAPIZ – Pilason nga ginpadangat sa Bailan District Hospital ang duha ka mga pamatan-on matapos maaksidente ang ginasakyan nga motorsiklo sa Barangay Cayus, Pilar, Capiz.
Nag-angkon sang kapilasan sa lawas ang mga biktima nga sanday Brandon Diaz kag 16 anyos nga backrider, lunsay mga residente sang Barangay Dulangan, Pilar, Capiz.
Sandig sa imbestigasyon sang Pilar Municipal Police Station samtang ginasubay sang mga biktima ang dalanon sakay sa motorsiklo, hinali may nagligid nga bola sa karsada rason para madulaan sang kontrol ang driver kag matumba.
Gilayon sila gindapatan sang nagakaigo nga pagbulong sang nagresponde nga response unit antes gindala sa ospital para sa dugang nga pagbulong.
