ROXAS CITY-Pilason ang duha ka mga pasahero sang tricycle matapos nga aksidente ini nga mabungguan sang elf van sa Barangay Sibaguan,Roxas City.
Ginkilala ang mga napilasan nga sanday Ailyn Alapa, 31 anyos kag Jennifer Barrientos, 47 anyos lunsay mga residente sang nasambit nga lugar.
Sandig sa imbestigasyon sang Roxas City Police Station nga samtang ginasubay sang elf van ang dalan, aksidente nga nadulaang sang kontrol sa manibela ang driver nga ginkilala sa kay Frederick Manonoy, 47 anyos kag residente sang Barangay Poblacion Sur, Ivisan Capiz kag aksidente nga bumunggo sa kasugata nga tricycle nga ginamaneho ni Joenel Manalo, 41 anyos sang Barangay Talon sining sgudad.
Nakaangkon sang pilas sa magkatuhay nga porsyon sang kalawasan ang duha ka mga biktima nga lunsay ginpangdala sa malapit nga ospital.
Apang sang ulihe nagsettle ang magtimbang nga bahin kun sa diin gin-abaga sang driver sang elf van ang kagastuhanan sa pagpaospital sa mga biktima.
